Расія паскорыць выдачу другога крэдытнага траншу Беларусі ў памеры 1 млрд. долараў. Пра гэта заявіў прэм'ер-міністр Расіі Уладзімір Пуцін 30 студзеня па выніках пасяджэння савета міністраў саюзнай дзяржавы, паведамляе РІА Новости.
Першы транш расійскага крэдыту ў памеры 1 млрд. долараў паступіў на рахунак Мінфіна Беларусі 18 лістапада 2008 года. Дзяржаўны крэдыт Расіі выдзелены на 15 гадоў па стаўцы Libor плюс 3% гадавых з адтэрміноўкай пагашэння асноўнага доўгу на пяць гадоў.
ланавалася, што другі транш крэдыту ў памеры 1 млрд. долараў будзе пералічаны Беларусі да канца лютага 2009 года асля падпісання праграмы сумесных дзеянняў па развіцці эканамічнага супрацоўніцтва.
Аднак, як заявіў сёння У.Пуцін, бакі дамовіліся паскорыць выдачу другога траншу крэдыту Беларусі.
Узамен быў падпісаны «супольны план дзеянняў па мінімізацыі наступстваў фінансавага крызісу».
Пуцін таксама паведаміў, што кіраўнікі Цэнтрабанка Расіі і Нацыянальнага банка Беларусі падрабязна абмеркавалі сумесныя дзеянні па стварэнні адзінай валюты і наданні расійскаму рублю якасці рэгіянальнай рэзервовай валюты. «У цэлым тавараабарот Расіі і Беларусі забяспечваецца ў рублях на 55-60%. Пры гэтым экспарт з Беларусі ў Расію складае 90% у рублях, з Расіі ў Беларусь — на 45% у рублях», — сказаў Пуцін.
Пільная патрэба ў чарговым траншы расійскага крэдыту пацвярджае звесткі пра гіганцкія праблемы ў беларускай фінансавай сістэме.
