Перамены заўважыў у небе
Спадары, а сапраўды ж крызiс! Вяртаўся я днямi з Масквы ў Мiнск на самалёце. I высветлiлася, што цяпер наша авiякампанiя эканомiць на ўсiм. Так, нават каву i гарбату ў авiялайнерах зараз не падаюць. Пра бутэрброд хоць якi я нават і не кажу — напэўна, занадта дорага каштуе булачка з парай кавалачкаў сыру цi каўбасы. Сцюардэсы, просячы прабачэння за такi "сэрвiс", прапаноўвалi пасажырам толькi халодныя напоi — сокi ды мiнералку.
Але ўсё-ткi пасля гэтага палёту ў мяне ўражанне прыемнае. На дзвюх мовах ужо размаўляюць нашы экiпажы — на нацыянальнай беларускай i на англiйскай. I, ведаеце, расiяне ўважлiва ўслухваюцца ў беларускiя словы i нiякiх прэтэнзiй наконт таго, што ў беларускiх самалётах аб'явы робяцца на "незразумелай" мове, не прад'яўляюць. Так што ў небе я заўважыў сапраўды вялiкiя перамены.
Анатоль МІХАЛЕВІЧ.
Мiнск.
|
